终年38岁！前TVB艺员陈积荣病逝

前TVB艺员陈积荣（Jeff）去年证实患上肺癌，今日（15/05）离世，终年38岁。Jeff的亲友在其IG发帖，宣布死讯，表示：「感谢大家的爱，Jeff于今晨在亲人的陪伴下，已暂别我们回到天家。Jeff是一位温柔的勇士，他勇敢坚毅，一直奋战到最后。

他曾说：「我好幸运身边有很多朋友去陪我战斗，无论我战胜与否，都希望用我的力量丰富大家！现在他已不再痛苦了！再一次感谢大家一直以来的支持及鼓励！他的爱和精神会一直长存我们心裡！另外，希望各位传媒朋友，在这段时间给予Jeff最爱的家人一点空间！永远怀念！」

可是，他最近接受《东张西望》的访问，透露病况又转趋严重，肚胀却手脚瘦如外星人，虽然现在仍接受化疗，但战胜癌魔的成功率不高，只有4成左右，「除咗肺部花之外，癌细胞极速扩散，包括膊头、手臂、肚位置都有肿瘤。」

他在接受化疗期间，医院不容许探病，坦言第一次做化疗很辛苦，经常睡在病牀，又不能与家人见面，「佢哋只可以喺门口攞嘢俾我，或者FaceTime倾一阵。嗰阵时好唔开心，我觉得复元得好慢，日日同医生讲几时走得，几时可以出院。」

Jeff在患病期间，才发觉家人的照顾原来可以如此无微不至，感受到他们的支持好有力量，不禁感动落泪。他亦感谢许多人帮助，有开名的亦有暗中帮忙的，得到很多鼓励。

孙慧雪于IG发文，隔空向Jeff诉说心声：「Jeff，和你实在有太多太多的经历，一起追梦的过程，实在太深刻了！所以我呢一世都不会忘记你！你好叻呀！一直撑到现在不容易，到最后，你都仲係担心人哋为你伤心，怕自己令人失望！其实你已经好叻好叻！好硬淨呀！撑咗咁耐，要好好休息吓啦！经常在想，点解上天要拣你？要带你走？一定係你太好啦！你已经完成咗天主俾你喺人世间嘅考验，你可以帮佢手做事啦！

或者因为你特别勇敢，可以令我哋明白更多！认识你嘅人，都知道你个性坦率、正能量，每次见你，总係有满满嘅计划，每次都係充满希望同力量！知道自己发病嘅时候，你同我讲话你知道自己行紧运啦！係上天俾你一个经历同考验，只要过咗呢关，之后就可以继续努力完成，好多好多你想要做嘅事，你话实在有太多人对你好，你好想还俾大家，好想用自己力量帮忙同鼓励病友，喺你病同唔舒服嘅时候，你都係咁为人著想！」

「你教我人生健康係最重要，无需要为唔值得嘅人，或唔值得嘅事而唔开心，你教我每一个演出都好应该要珍惜！就算只係行过嘅角色，你都会好珍惜！你话人生唔需要追求物质，足够就好，你话细细个赤脚喺士多跑来跑去，过一啲简单生活都已经好开心，你话人生好短，一定要追梦，要努力成就想做嘅事，等自己无悔！你话爱要说出口！我全部都记住啦！」

「你成日讚我叻，我知道你鼓励我，其实你叻我好多好多！喺你身上我学到好多，你令好多嘢由零变一百，由无变有，你令我明白敢想敢做，就会令事情发生！你重情，拍电影，都要坚持搵返同期嘅训练班同学，你好喜欢齐心做一件事嘅感觉，多谢你俾左好多美好回忆我！俾我做电影女主角！

细数我人生每个精彩时刻，都有你喺身边陪伴同见证！好开心认识你！而家只係短暂离别，我哋来日再聚！喺呢度衷心多谢一直出心出力爱护Jeff嘅大家！我哋会忘记悲伤，重新振作！因为你唔锺意见到我哋唔开心！」