艺人陈自瑶（Yoyo）最近遇上事业第二春，除早前获前辈汪明荃力撑外，今日（12日）于TVB全新节目《识货》记者会上，主持郑裕玲亦大赞她进步快有潜质。
受访时，提到于首集录影时变喊包，她解释说：“我畀咗自己无形压力，因为今次去到1个完全唔认识嘅范畴，但可能我之前喺《好声好戏》赢咗，其他对手就视我为劲敌，加上起初我觉得自己做得唔好，后来冷静落嚟调节心态，我用平常心去面对，当自己嚟学嘢啰！”
珍惜每个机会
对于最近获力捧经常“亮相”，她说：“我会珍惜每个机会，但好似剧集《宝宝大过天》推出，其实一早安排咗，唔系呢排先决定。（7月开剧系担正女主角？）我净系知要开剧，其实做乜嘢都仲未清楚。（呢排少咗时间陪囡囡？佢7月放暑假喎。）真系少咗陪佢，依家谂紧叫屋企人陪同带佢去玩，我都希望尽量抽到时间啦。”
方力申斥游嘉欣“妖孽” 张秀文认蠢唔知男友出轨
由方力申（小方）、张秀文及游嘉欣等主持的TVB查案游戏节目《死因有可疑》，将于周一（14日）播出，小方在节目中饰演侦探，其他人各有不同角色扮演，要边演戏边找“真凶”，既考演技又考侦探头脑。
嘉欣透露最开心是获安排饰演周柏豪的女友：“可以名正言顺又拖又揽，合理化咁挨身挨势，我已经唔在乎边个系凶手。”
小方提醒嘉欣，周柏豪已有妻女，嘉欣反驳说：“我系投入个角色！”
小方搞笑地寸她说：“专业？系妖孽！”认真笑爆嘴。嘉欣认为节目中以郭子豪最具侦探头脑，经常摆出心事重重的样子，此番言论却再被小方调侃：“你唔可以成日只系留意啲6呎几高，48吋胸。啱啱讲完柏豪，依家又郭子豪。”
手机萤幕向下摆：有景轰
秀文自言参与节目前自以为好醒，但玩游戏时才发现自己好蠢，问到有否试过揭发男友不忠或说谎？她说：“真系冇，我唔Check人，但会分析佢嘅说话。叫我搵证据真系渣，喺节目度我影低啲证据，但全部都废。”
嘉欣则表示未拍过拖，未有机会Check男友，但自认第6感强，擅长观察朋友的微表情。
至于小方指如果感到另一半有异样，会从对方的社交软件找寻蛛丝马迹，又向嘉欣教路：“如果同另一半相处，男友将手机萤光幕向下摆，咁就代表心有鬼。”
另外，对于绯闻女友陈滢近日被指跟环星唱片太子爷张子丰拍拖，小方说：“如果真，好戥佢开心。（讲到你食白果？）冇所谓，我成日被人讲，女仔被人讲就惨啲。”他强调自己目前单身，日日都在寻觅另一半：“我仲玩埋交友App，同4、5个人倾过偈，但冇约出来，约出来我会惊。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
