闭上双眼豁出去！畏高张振朗处男第一飞

畏高张振朗处男第一飞　闭上双眼豁出去

TVB台庆剧《拳王》张振朗在今晚（14日）一集会在剧中大玩滑翔伞，拍摄当日偏偏天气不似预期，台前幕后等足5个钟，振朗才能顺利起飞。

畏高的他为角色献出处男第一飞，绝对是豁了出去。现场所见，振朗起飞前明显表现紧张，除了不断向现场工作人员了解玩滑翔伞须知外，又不时做热身运动及“强颜欢笑”，为自己打气及缓和气氛，十分搞笑。

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

起飞前夕，振朗更索性闭上双眼平复情绪，而全程陪伴在侧的蔡洁则不时向他大叫“加油”。

除了天气不似预期，振朗处男滑翔还有第二大阻滞，他说：“咁啱陪我飞嗰个教练都系第一次两个人飞，咁起飞咗之后，佢就不断提醒我应该点做，同埋用对讲机同伙伴沟通以策安全。

但其实我一飞出去就要做戏，场戏仲要都几多情绪转换，我惟有‘聋耳陈’上身扮乜都听唔到，谂番都好搞笑。”

监制Andy亦大赞振朗是次表现超越满分：“讲真畏高玩滑翔伞我知道已经好攞命，佢仲要拎住部摄影机全程影。另外，今晚还有有蔡洁“左拥右抱”张振朗及朱敏瀚饰倒头大睡，令三角恋更添耐人寻味。

王丹妮带挈老公孖住吸金　罗孝勇兴奋讲爱的宣言

艺人王丹妮与丈夫罗孝勇今日（14日）现身活动，期间罗孝勇更讲出爱的宣言：“最紧要互相相爱，一起走过高低，牵住对方向前行，手牵手度过一切。”首次以夫妻档齐齐搵真银，被问到报酬是否可观。

王丹妮説：“其实咁啱呢个月系我哋结婚一周年纪念，对我哋嚟讲特别有意义，钱唔系最重要。（当年老公喺边度求婚？送几卡钻戒？）其实系一份心意，几大粒唔系重点，因为我哋本身都系锺意纯朴简单，所以对我嚟讲已经系无价。（会点庆祝？）大家工作都忙，但点都会食餐饭庆祝。”

罗孝勇补充説：“最紧要系我求婚佢讲Yes！当时喺澳洲揸咗5个钟头车带咗佢去一个粉红色嘅湖，知道佢一直好想去影相。（会唔会买首饰送俾太太？）佢最开心系可以食到一啲好嘢，佢好为食，会带佢去好食嘅餐厅。”

谈到电影《梅艳芳》除令王丹妮走红，还带挈老公齐齐搵真银，她回应説：“唔好咁讲，夫妻系应该拍住一齐上，系一Team，今次系因为觉得有意义，平时我哋都好低调，相都少Post，我哋觉得爱情系两个人嘅事，唔需要成日Post相、一齐工作。（会唔会带埋个女出嚟接家庭活动？）未有呢个谂法住，最主要睇吓有冇意义同纪念价值先。”

被问到会否再生小朋友，她坦言亦有打算，但目前先以工作为重，尚有时间计划。谈到电影能于内地延长放映期，她表示很幸运及感恩，感谢世界各地“梅粉”支持，亦证明大家未有忘记梅姐。