郭晋安盼时光倒流！改写历史助父母和好

郭晋安盼时光倒流　改写历史助父母和好

接连有《回归》和《白色强人II》两部剧集推出的视帝郭晋安，于《回归》内靠两名儿子帮手，成功与前妻陈炜复合；然而现实生活中，其双亲以往经常吵闹甚至大打出手，令他留下阴影，不讳言希望时光倒流，能重回过去改写历史。

戏中有“囝囝”周嘉洛及吴伟豪“牵红线”，塑造元宇宙世界令他与炜哥“重回过去”反思，最终破镜重圆。

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

郭晋安坦言现实生活中亦想重返童年：“我觉得一个人嘅成长深受原生家庭影响，所以我想返去做安慰嘅角色，因为儿时睇住父母吵闹、甚至打交，佢哋打打吓我都开始唔惊嘞，谂番转头好想平息佢哋嘅风波。（童年好唔快乐？）又唔会喎，因为根本冇人理，好自由。”

外表风光落本置装

那么父母最终有否和解？他说：“其实唔系好清楚，因为好早就离开咗屋企，尤其入电视台做嘢后，本身屋企喺铜锣湾，的士钱都够我喺出面租屋住！

（嗰个年代做艺人好风光？）搵得多又付出得多啫，起码要置装，好记得嗰时我仲要搭港铁出入，而且好多地方唔去得，好似出去酒楼食饭，不停有人围住攞签名。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他坦言如今与14岁囝囝偶有摩擦：“佢好想要主权，但我会坚守底线，清楚话畀佢知有啲嘢真系唔得，当然我都会尊重佢，好似佢留长头发同电发，想做音乐家，我就冇出过一句声。

（如果你同太太闹交，仔女有咩反应？）我哋协议咗唔会喺仔女面前闹交，做呢行训练到容易控制情绪。”

炒股票日日赚几万

说到1997年，郭晋安离巢外闯，他形容当时要于股坛搵钱易如反掌：“好多人行埋嚟畀啲冧码你，求其笃每日都可以赚几万。嗰时我拍一套戏片酬40万左右，所以有闲钱投资，点知有日倒输番晒落去，我就同自己讲迟啲一定要赢返番嚟。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

（一共输咗几多？）当时嘅20几万，我翻咗本好耐，赢番凸唔知几多倍嘞！”