张驰豪开唱哭足3次！姚焯菲自嘲个脑转唔到

张驰豪开骚喊足3次　姚焯菲自嘲个脑转唔到

声梦歌手姚焯菲（Chantel）与张驰豪（Aska）昨晚（27日）假旺角麦花臣举行演唱会，朱敏瀚、JW、周嘉洛、刘佩玥、泳儿及一班声梦歌手也有到场支持。2人的好友潘静文（Sherman）、林二汶以及Aska在剧集《美丽战场》中的女友陈滢担任嘉宾。

2人施展浑身解数又跳又唱，Chantel与Aska分别弹钢琴及结他，期间Aska脱去外衣，以背心上阵骚结实手臂弹结他，台下大叫除衫，他笑言：“唔得，会冷亲！”Aska全晚表现感性，3度哽咽落泪，反而Chantel非常硬净。

Sherman表示对Chantel的第一印象是有公主病，后来发现对方原来好贴地，又指初时以为Aska是Play Boy，但其实对方好专一。

Aska提到跟Sherman好有渊缘：“我哋大家住得好近，又同日喺比赛被淘汰，当日我车佢返屋企。”现场观众听到即时大呼小叫，他续指：“好感恩有佢呢位朋友，佢系我其中一个声梦嘅好朋友，大家会互相扶持，今次开骚中间好崩溃，我都有同佢分享。”说罢不禁哽咽。

之后Aska献唱两年前写给爸爸的英文歌《Time Changes》时感触谓：“我6岁同细佬去咗寄宿学校读书，好少见到家人，关系有少少距离感，今次回来比赛同家人相处时间多咗，关系拉近，感受佢哋对我嘅爱，比赛时妈咪每晚都会煲定一碗汤畀我，爸爸唔系好赞成我参加比赛，佢觉得娱乐圈好黑暗，依家我有乜节目佢都会坐定定喺电视机前用手机录低。”

他感慨时光荏苒，父母亦老了不少，父亲行动亦没有以前利索，他说时强忍泪水，演唱途中他亦一度转身背向观众用手抹鼻。

而Aska安歌后发表感言时忍不住爆喊，他表示很多人觉得他没有资格开骚，亦深知自己在各方面都争少少，自爆排练期间有次突然崩溃爆喊，幸得朋友支持自己，他又以英语多谢一个人一直在身边支持他，并高呼I love you。

受访时，Chantel称自己虽然在台上无喊，但落台时却忍不住流眼泪：“好怀念个舞台同好多谢大家，台上冇喊系因为当时个脑转唔到。”

问到Aska为何如此感性：“佢好坚强，我好脆弱，可能因为准备个骚好大压力，唔想浪费咗个机会，亦唔想拖累咗Chantel。其实我平时唔会咁，唔会理其他人点抨击我，但嗰段时间个人比较脆弱。”

提到他在台上以I love you示爱，他坦言对象正是台下睇骚的女朋友：“唔系示爱，我系想讲畀佢知，好感谢佢一直喺我身边。”谈到演唱会的表现，两人自认有甩漏，但气氛搭够。

另外，问到陈滢是谁邀请任嘉宾？Aska自言由他提议：“因为有首歌系我同陈滢嘅合唱版，所以提议请佢，而且Chantel都好锺意陈滢。”

陈滢在台上表示今次是人生第一次上台唱歌，笑指两人好大胆，竟然敢请她做嘉宾，她称因JW介绍而认识Chantel，而看《声梦传奇》时已觉得Aska好有魅力，心想会否有机会合作，怎知就在剧集中饰演情侣，Aska大爆Chantel很喜欢陈滢，陈滢问Chantel会否想演《美丽战场》续集？Chantel笑言想饰演2人的女儿，陈滢即吓到弹开：“咁大镬！”

陈滢讲到跟Aska拍剧时，有一幕令她非常深刻：“当时拍一场灵堂戏，见佢坐喺度睇紧《演员的自我修养》，我同导演讲：‘佢肯定系做畀你睇，你唔好再闹佢。’”Aska补充指拍灵堂戏前一天被导演闹：“因为一句对白讲极都唔好，我真系好惊阻住大家收工，拍完畀导演训话咗10分钟。”