广东
身為世界美食之都嘅澳門，到處都臥虎藏龍，就算係街邊一間唔起眼嘅破爛小店，都可能有成為你難以忘懷嘅“白月光”。
筷子基街邊嘅哩碗辣汁咖喱麻辣燙就算頭頂頂住大太陽係體感溫度41℃都要食。到底有咩咁大威力，值得為食妹心甘情願踎喺街邊一邊抹汗一邊食？
️1️⃣價錢實惠 街坊愛幫襯
哩度嘅篤篤大家都行過路過都鐘意買翻串食下，拍攝當日為食妹就碰到唔少學生哥放學過嚟買一串咖喱魚蛋邊行邊食~
為食妹叫咗一份三人份嘅篤篤蒜香麻辣燙➕咖喱出前一丁➕兩支飲料，三個人食到谷曬肚都唔到一百蚊，真係抵食夾大份，怪不得咁多街坊都嚟打包翻屋企篤！️
️2️⃣多款配菜 任性隨心選
入到哩間只有幾平方嘅小鋪，指定動作一定係先拿起盒仔同夾仔，掃一眼令人眼花繚亂嘅雪櫃，想食啲乜就夾啲乜！
配菜非常齊全，各式各樣嘅肉類、丸滑、蔬菜，大拿拿有八九十種嘢可以選擇，大家根據自己嘅喜好隨心所欲咁發揮，一定有你中意嘅~
️3️⃣咖喱辣汁 俘虜吃貨心
開咗近十年嘅「杜旦小食」，憑一個汁就足以俘虜無數吃貨。直頭係為麻辣燙注入靈魂！最不得了嘅就係哩個咖喱辣汁，濃郁辛香食落又唔會嗆，不愧係“咖喱香少辣，鹹辣留齒頰”！
而蒜香汁都一樣咁受人歡迎，食落又淡淡嘅蒜香味，但係特別之處係佢偏甜口，“蒜汁清帶甜，蔬菜肉味鮮”，唔食得辣嘅朋友仔非常推薦揀蒜香汁！
⏰搵食時間：16:00 - 02:00
搵食地址：澳門和樂大馬路131號宏建九座地下A鋪杜旦小食（近筷子基總站）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
