為食推介丨日日都排隊的「古早味餅店」

對唔住

⬇⬇⬇

哩間人人都讚嘅西餅店

為食妹真係探遲咗

每日兩點新鮮出爐熱辣辣蛋撻

為食妹點半鐘就去搶頭位

仲有勁多經典西餅麵包

價格超nice，排隊嘅都係街坊

#01

澳門老網紅

嚟嘅都係老街坊

講到蛋撻，哩間「美式餅廊」真係講得上喺澳門家喻戶曉、無人不識，好多人都表示佢係澳門最好食嘅酥皮蛋撻，為食妹就覺得佢嘅地位同滄洲不分上下。

「美式餅廊」打出嘅知名度全靠口口相傳，起初嚟嘅都係老街坊，而依家時不時就出現喺為食妹嘅主頁，好多遊客都專程要嚟“朝聖”下啊澳門蛋撻界OG。

除咗蛋撻之外，哩位澳門老網紅仲有各種平價麵包、西餅、蛋糕、糕點……樣樣都有著古老嘅味道同賣相，價格係大多都係$4.8到$7之間，大件夾抵食！

#02

哩啖熱蛋撻

點半鐘就開始排

001丨夠紅

蛋撻下晝兩點鐘出爐，為咗食新鮮滾熱辣嘅蛋撻，為食妹一點半就去到店入邊排隊。霸個頭位，今日哩隻靚靚蛋撻，我吃定佢！

陸陸續續嚟咗唔少街坊，大家都井然有序咁跟喺後邊，哩條長龍就係「美式蛋撻」人氣夠紅嘅印證！美味總係值得耐心等待，各位街坊都深諳哩個道理~

002丨夠酥

雖然依家多咗唔少花樣繁多嘅新式網紅蛋撻，但為食妹依然偏愛好有古早味嘅酥皮蛋撻。好似「美式」咁樣嘅老式餅鋪，N年如一日堅持手工製作。

新鮮出爐嘅蛋撻拿喺手上有啲辣手，酥皮脆到一言不合就跌渣。撻皮咬落非常酥脆，入口嗰刻就驚艷到我！

003丨夠嫩

優秀嘅蛋液就好似蛋撻嘅靈魂所在，「美式」嘅蛋液又滑又嫩，Q彈到好似啫喱一樣。一啖落去舌尖嘅觸感非常之duang~

最合為食妹心意嘅就係蛋液嘅甜度剛剛好，唔會太甜，所以食多兩個都唔怕滯~酥皮同蛋液烘烤過後嘅撲鼻香味，簡直一秒引出我肚入邊條饞蟲！

#03

靚西餅麵包

人均五六蚊入袋

丨西餅什錦丨

睇住「美式」滿櫃嘅老式西餅，一下子就勾起我嘅童時回憶。西餅4.8蚊均一，咁多品種我每樣都想試試，唔聲唔聲就執咗一大盒靚西餅~

細細個嘅酥脆椰撻，可以食到縷縷嘅椰絲，滿口都係濃郁嘅椰香味。仲有各式各樣嘅鬆軟蛋糕卷，舊舊都比手板大先$4.8！

西餅盒一打開，就俾手足們瘋搶！個個都食得有滋有味，一盒60蚊嘅西餅就可以餵飽成team人，一舒午後疲憊，哩個high tea超實惠~

同依家日新月異嘅網紅產品唔一樣，哩度買嚟買去都係老款式嘅西餅，得哩度先有街坊最愛嘅不變味道、不變情懷。

丨吞拿魚包丨

麵包一樣都好實惠，平均都係6、7蚊嘅價格。為食妹一眼就相中咗哩個超長嘅吞拿魚包，唔比唔知道，一比嚇一跳，吞拿魚包足足比我手板仲要長~

吞拿魚包人氣超高，一出爐就被搶空，食咗先知道佢到底有乜魅力。搣開酥軟嘅麵包，入邊有滿滿嘅吞拿魚鬆，酸甜開胃！

丨芝士火腿包丨

芝士火腿包又係有一個人見人愛嘅搭配，芝香濃郁，鬆軟又香醇。鹹香嘅火腿片同芝士片搭配，買嚟做早餐餸牛奶營養十足！

丨美式餅廊丨

- 喺邊度食 -

澳門連勝馬路62-A號（三盞燈店）

澳門俾若翰街73-93號多寶花園樓下（筷子基店）

- 幾時有得食 -

06:30-20:00

· 今日作者 ·

[ 圖文 · 頗醬醬 ]

[ 攝影 · COISINI ]

00：19/09：26

點分享

點收藏

點點讚

點在看