化名玩交友App分享私密！张天赋锺意煲电话粥

化名玩交友App分享私密 张天赋锺意煲电话粥│封面故事

MC张天赋说，小时候的目标，当然希望做“世一”，但成长之后发现，原来“世一”不是表面那么开心，或者值得开心的事，“因为同时你要背负好多责任、背负好多压力、情绪和意见，如果有得拣，我可能做世二、三、四，冇咁大风头、冇咁注目，我谂会开心啲！当然，要假设咗我係‘世一’先啦，我暂时未到嗰个位，到我真係到咗，再问多一次呢条问题，又可能到时我会享受呢？”

未做歌手前，MC做过不少行业，“数得出应该都有做过，餐厅、整冷气、做sales、电讯公司，如果依家MC冇做歌手，会唔会掂到音乐？坦白讲，我谂自己好难靠幕后入到呢行，可能都係做一啲跟口才有关行业，我觉得自己都係死剩把口。”

封面摄影︰Matt Yau
封面摄影协力︰Jack Yuen、Ryan Wong、Jason Ho
花絮摄影︰洪志富
形象︰Nana Wong、Anthony Tong
造型协力︰Music Ho、Ingrid Ma、Kelly Janice
美术设计︰Lily Mak
化妆︰Circle Chong
髮型︰Cliff @Myos
服饰︰LOUIS VUITTON、SHIATZY CHEN、CHEN PENG、HOMME PLISSÉ ISSEY MIYAKE

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

的确，MC说话几有娱乐性，看他的直播不难看到真性情，“可能我讲嘢毫无保留，起码将七成嘅自己俾晒出嚟，我又冇偶包，缺点又好、优点又好，都係属于张天赋嘅嘢，大家又觉得几搞笑喎，呢个就係我！我唔希望身份会影响到我去待人处事，我希望保持自己性格，係会有啲‘张三岁’寸寸贡，由出道到依家，我性格应该都冇乜点变。”

乐坛踏入新世代，个个“玩法”不同，要突围而出，识玩IG、Threads是基本，可是MC对social media却不太热衷。

“我觉得每个年代歌手，要具备条件都唔一样，依家係一个科技非常之发达年代，会有好多途径可以接触到观众。我好少经营社交媒体，因为我觉得自己珍惜面对面相处，多过虚拟网络交流，平时同朋友都係约出嚟倾，我都仲係会煲电话粥，我认为打电话比文字实体好多，我几反传统！”

最近跟吴君如合演的新片《我谈的那场恋爱》，讲一段网骗情缘，MC说︰“呢个角色同我有几分相似，都係讲一个一开始一事无成少年，误打误撞入咗间诈骗公司，跟住搵到一样好似能够证明到自己嘅事，终于有被人需要嘅时候。”

谈到交友App，MC竟然有玩过，“我觉得有好有唔好，坦白讲，交友App可以令到人与人之间多咗一个交流途径，不过係咪最好途径呢？我又未必觉得係，我好少用social media原因，因为我会嚮往以前识朋友方法，亲身见面，透过大家面对面交流倾偈，去建立彼此信任和印象；

相反依家好多时social media，大家只靠你嘅profile，你po出嚟嘅相，而去判断你係一个咩人，我觉得已经少咗真实性，多咗层隔膜。我有冇玩过？有㗎！有时有啲说话，唔希望同身边认识嘅人讲，我会想搵一个完全唔认识自己嘅人分享，因为讲完，佢都唔知你係边个，我唔会用真名玩囉！哈哈！”