郑秀文林家谦红馆台上笑嗌表姐弟 即场拆盲盒

天后郑秀文（Sammi）昨晚在红馆举行第二场「You & Mi 郑秀文世界巡回演唱会2023」（Rescheduled ），邀请林家谦担任表演嘉宾，手拖手边走边唱《亲密关系》，全场起哄。Sammi好友张衞健、导演谷德昭、温碧霞与丈夫何祖光、少爷占、陈敏之、DJ主持西瓜与杰杰等捧场，开骚前众人在后台，与Sammi一比一人型纸板打卡，又玩夹盲盒扭蛋，非常欢乐。

第二场演唱会，Sammi换了新衫，以「白色小飞鸟」造型与欢迎表演嘉宾林家谦出场。她笑问家谦岁数后称他做「表弟」，然后二人在台上以「表姐」和「表弟」相称，有说有笑。Sammi对家谦说：「呢个演唱会原本喺旧年举行，嗰时邀请你，好快就答应做我嘉宾。其实我今年再搵嘉宾都好惊，因为邀请咗人哋之后自己挞咗Q，人哋预晒时间，我内心好抱歉。今次再胆粗粗搵林家谦，点知又一口答应，真系好多谢你！」还即场邀歌，家谦亦一口答应，Sammi兴奋地说：「你应承咗架啦 ，哈哈，我公器私用！」

然后家谦送Sammi小礼物，他说：「其实唔系好贵重嘅嘢，出边应该未入到货，我喺Pop up店买冇货，呢个我上网买，系一个『Inside Out』（电影）嘅盲盒。」Sammi开心说：「多谢，我最近首歌叫《盲盒》呀！」家谦说：「我觉得啱你首歌，同埋『盲盒』呢个意思好好，我哋每人每一日瞓醒嘅都好似抽盲盒，因为遇到嘅事情、情绪都预计唔到，无论抽阿乐、阿怒、阿尴都好，都希望你好好拥抱每种『脑朋友』。每种情绪都可以令我哋感觉到自己嘅存在，然后好好咁过每一日。」Sammi大赞：「讲得好，多谢表弟！」

家谦本来请Sammi返后台拆盲盒后告诉他抽到甚么，点知Sammi爽快即场拆，还搞笑地将包装纸丢到地上，家谦连忙执起，全场大笑。结果揭晓Sammi抽到红色「阿燥」，家谦笑说：「啱晒你啦，你头先咁样！」然后学她丢垃圾纸到地上。Sammi即刻变乖，说：「好，我收敛，好好控制自己嘅情绪。」家谦说：「收埋佢，唔好爆出嚟！」还吩咐她带埋包装纸垃圾返后台。之后家谦演唱Sammi经典金曲《冲动点唱》，还改了一句歌词变成「原来是我冲动翻唱」，全场欢呼。