广东
《第49届香港国际电影节》的焦点影人古天乐，今日（19/4）出席名家讲座，由游学修主持。席上古生不单分享自己拍戏的经历，更多是分享自己对香港影视界的未来发展，对于坊间不时说香港电影已死，古天乐绝不认同︰“电影系唔会死，香港都唔会死，我哋都唔会死！”立即赢得全场掌声。但古生亦希望大家面对现实，要作出改变，更指出2028至2030是关键年期。
古天乐在名家讲座上，分享自己拍戏经历，又分享自己对香港影视界的未来发展。（许育民 摄）
短视频系大挑战︰试睇过，真系顶唔蒲！
讲座由游学修主持，以问答模式进行，问到全球电影均面对票房下滑问题，古天乐已有一堆数据分享︰“香港和内地下滑多过20%，韩国、日本都下滑7至10%，美国都接近10%，除咗因为经过疫情大家睇多咗串流平台外，又因为睇多咗，对电影嘅要求不知不觉都提高咗。”
游学修问到“香港电影已死”呢个问题一直缠扰自己，问到古生可有同一问题？古天乐︰“唔好话香港电影已死，电影系唔会死，香港都唔会死，我哋都唔会死。（全场欢呼）所以呢个问题唔会缠绕住我。”
古天乐︰“唔好话香港电影已死，电影系唔会死，香港都唔会死，我哋都唔会死。”（大会提供）
古天乐反而提出另一个问题，指出电影正被短视频挑战。“而家身边好多人都睇短视频，仲要畀钱睇㖞，我反问咁你又唔畀钱入去睇戏？我都有试睇过，真系顶唔蒲，直倒仲死，咩都睇唔到，又要乘1.5或者2去睇，证明全部年轻人都冇晒耐性。”古生更提及几星期前，IShowSpeed来港，一众小朋友年轻人走出来追捧。“呢班小朋友过多十年就20几岁，系下一代观众，我哋改变唔到，就唔会迎来未来电影嘅诞生。”
古生又指出内地短视频，去年有过千亿收入，电影就只有300几亿，这是个现实问题。“所以电影同电视剧都要变得精品化，唔会再大量制作，又或者拍电影未必再需要高成本拍摄，电影嚟紧系要一个改变。香港电影过去为迎合市场需要而拍，冇去谂观众需要乜嘢。”
古生又指出内地短视频，去年有过千亿收入，电影就只有300几亿，无疑对电影市场有极大冲击。（大会提供）
古天乐认为如果香港电影业在2028至2030年间，再做唔到真正嘅换血，打后5、6年都唔会好过。（大会提供）
青黄不接观众都有责任帮手
票房下滑，老板对投资更谨慎，会找有叫座力的演员主演，无疑令青黄不接问题延续下去。古天乐︰“观众相信一个演员，先会入场去睇佢部戏。我哋成日都讲要换血，如果今次仲唔认认真真去换一次血，我哋就迎唔到香港电影嘅未来。现在市场有份量嘅演员，50岁都叫后生，好多都60几岁，中生代都40几岁，廿几岁演员系有，但观众对佢认受性唔高，好难孭起一部戏，但我可以讲，如果我哋喺2028至2030年，再做唔到真正嘅换血，打后5、6年都唔会好过，所以大家必需要扶持台前幕后嘅新人上去。新人自己都要有责任，唔好死牛一面颈，接受意见。”
古天乐在新戏《送院途中》都起用新演员，包括游学修及袁澧林。（《送院途中》剧照）
古天乐在新戏《送院途中》都起用新演员，包括游学修及袁澧林。（《送院途中》影片截图）
去到观众提问，有人问到古天乐可有具体方法扶持新演员，不用每次看戏时，都会话“又系古天乐！”古生重申要大胆起用新人，但最悲哀是会预期要蚀本，但都要给予机会让他走进观众眼球。而讲到最切切实实有效的方法，古生就突然提高声线回答︰“就系你哋呀！系呀，唔系部部都我做呀，我都顶唔到几多年，佢哋孭飞时记得买飞去睇呀，唔好又话︰‘超！唔知边个嚟！’唔好剩系话我哋，你哋都有问题㗎！”
古天乐更留步，为“焦点影人”推出的书籍举行签名会。（大会提供）
古天乐更留步，为“焦点影人”推出的书籍举行签名会。（大会提供）
分享会后，古天乐到自己的展板前拍照留念。（大会提供）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
