广东
在踏入乐坛30周年之际，陈慧琳Kelly除了宣布7月11日起，于红馆举行八场【陈慧琳Season 2 万人结界演唱会】外，亦特别邀请新生代音乐人林家谦及Oscar共同打造感恩单曲《鸣谢你而不想说后悔》。这首歌名源自Kelly 2002年经典作品《最爱演唱会》的结尾歌词，由MV合作导演Sheng提出创作概念。Kelly分享：“Sheng好钟意我嘅歌，拍《谈情的价值》时建议可以用《鸣谢你而不想说后悔》创作，佢讲完我又觉得几好㖞！佢又不断鼓励我要同新生代歌手合作，之前我就同AGA，今次就揾咗家谦帮我写首新歌。”而Kelly和家谦沟通歌曲主题时，凑巧家谦刚想写一首关于感恩，又有一个demo叫《Gratitude》，并推荐了填词人Oscar给Kelly，三人一拍即合，当中Oscar 的歌词“皮囊中凋谢，灵魂不凋谢”更是Kelly大爱，说：“虽然皮囊会凋谢，但灵魂会长存，所以我想呢首歌嚟鸣谢同陪伴我嘅歌迷。”
陈慧琳新歌《鸣谢你而不想说后悔》。
《鸣谢你而不想说后悔》找来全新班底合作，作曲由以柔和独特的歌声，被网民形容为“喃呒佬”的唱作人家谦主理，Kelly的新歌唱腔亦因而大不同，Kelly说：“呢首歌唔可以企喺度唱，要喺个空中飘住咁唱，配合歌词，又唔可以唱到好sweet或者好sad，需要用好轻好轻嘅声线去唱，所以我就谂不如把声系好似to be continued待续感觉，声线要好温柔，好似喺星空上面唱歌。”Kelly更大赞家谦才华，直言一听demo觉得已经可以推出，说：“第一次听家谦唱嘅demo觉得已经可以出街，佢把声好轻，好舒服嘅感觉。”而因唱腔的改变，令家谦经常暖心提醒Kelly休息，以避免她声音会攰或令声带磨损。
今次MV故事围绕歌手与歌迷间相互扶持的故事，Kelly做回陈慧琳的角色，但戏份较少，故找来龚慈恩、廖子妤（Fish）等实力派演员演出，家谦则帮忙客串一个歌手角色。Kelly介绍说：“Fish饰演我嘅歌迷，细细个已经好钟意我，会写信分享佢嘅难题，我又会回信鼓励同帮手解决。Fish嘅角色长大后，爸爸过身，事业上又遇到难题，于是写咗封信俾我，我又回复俾佢，就系呢种与歌迷嘅互动。”
至于家谦、Fish这次与Kelly的合作，二人高度读叹Kelly外表完全没变外，二人亦被她的性格吸引，家谦说：“合作前感觉Kelly比较神秘，比较少出嚟，但当佢出现又会哗一声，觉得佢冇变过。同Kelly合作觉得佢好平易近人、讲效率，做嘢唔会转弯抹角”。
Fish则非常荣幸能参与Kelly的MV拍摄，说：“认识Kelly系由我中学时期开始，呢个MV有我嘅细个版，正正就系我个年代睇《薰衣草》，特别留意到咁靓女嘅角色。我细个唔算听得多Kelly广东歌，因为中学时台湾音乐盛行，当时我系听Kelly嘅国语歌，好钟意《再见北极雪》，同周传雄合作嘅歌《记事本》，都有陪伴我青少年时期。”MV中，Fish虽未能与Kelly同场演出，但Fish之前活动有和Kelly见面，觉得她keep得好好，尤其今年30周年演唱会，自己都已长大，但Kelly好似冇变过。而除了音乐和电影，Fish特别钟意看Kelly的访问，说：“因为我觉得佢个人同萤幕形象几唔同，佢以前有好多角色比较有距离感，例如一啲专业人士或者好倔强嘅女仔，但访问见到佢系傻大姐，好有趣。你会睇到佢嘅见解、睇嘢嘅方法，知道佢系好坚韧嘅女性，我都好想成为一个内心好强大嘅人。”
陈慧琳新歌《鸣谢你而不想说后悔》。
《鸣谢你而不想说后悔》新歌将于4月25日上架，MV于同日晚上9时在陈慧琳Youtube Channel上线。
陈慧琳演唱会4月28日起信用卡优先订票，5月7日全线公开发售。
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
